येँ, ११३७ कछलागा तृतीय, २०७३ मंसिर २
संविधानया छुँ बुँदा संशोधन यायेगु खँय् मू स्वंगु दल सहमति न्ह्यः थ्यंगु दु । प्रधानमन्त्री निवास बालुवाटारय् थौं सुथः नेपाली काँग्रेस, नेकपा (एमाले) व नेकपा (माओवादी केन्द्र) या मू नेता दथुइ संविधान संशोधनया खँय् सकारात्मक सहलह जुगु नापं उगु प्रस्ताव न्याकनं व्यवस्थापिका–संसदय् दर्ता यायेगु सहमति जुगु दु ।
स्वम्हँ शीर्ष नेता संविधानयात छ्यलेत संविधान देकेज्याया इलय् थें सहमति नापं न्ह्यः वनेमागु लिच्वलय् थ्यंगु मूँज्याय् ब्वति काम्ह माओवादी केन्द्रया नेता वर्षमान पुनं न्हयथना दिल ।
संविधान छ्यलेत संविधान संशोधन आवश्यक जुगु व संशोधनया खँ सकारात्मक सहलह जुगु वयेकं न्ह्यथनादिल । प्रधानमन्त्री दाहालं तःतु प्रस्ताबय् प्रमूख प्रतिपक्षी दल नेकपा एमालेया नायः पूर्व प्रधानमन्त्री केपी शर्मा ओली नं सकारात्मक जुगु वयेकलं न्हयथना दिल ।
मूँज्याय् प्रधानमन्त्री दाहाल, काँग्रेस सभापति शेरबहादुर देउवा, एमाले नायः केपी शर्मा ओली, उपप्रधान नापं गृहमन्त्री विमलेन्द्र निधि व माओवादी केन्द्रया नेता पुनया ब्वति दुगु खः ।
0 Comments:
Post a Comment