ने.सं ११३७ कछलागा औँसी, २०७३ मङ्सिर १४
ब्राजिलया छगु स्थानिय फुटबल टिमया कासामिनापं ८१ म्ह यात्रु दुगु विमान दुर्घटनाग्रस्त जुगु दु । ७२ म्ह यात्रु व चालक दलया ९ म्ह दुजः याना मुक्कं ८१ म्ह दुगु चार्टर विमान कोलम्बियाय् दुर्घटना जुगु खः ।
बोलिवियां ब्वगु विमान कोलम्बियाया मेडकाय्या पहाडी लागाय् दुर्घटनाग्रस्त जुगु बीबीसीं न्ह्यथंगु दु । विमानय् ब्राजिलया फुटबल क्लब चापेकोएन्सेया कासामित दुगु खः ।
घटनाया विस्तृत विवरण वय् ल्यंदुसाँ विमानय् सवार छुँ मनुत धासा म्वाःगु जुइफगु आशा याःगु दु ।
दक्षिण अमेरिकी क्बल कपया फाइनलय् कोलम्बियाया टिम एथ्लेटिको नेसिओनलनाप म्हितेत ब्राजिलया टिम उगु विमान गःगु खः ।
दुर्घटनालिपा फाइनल कासा स्थगित जुगु दु ।
0 Comments:
Post a Comment