तालिम समापन ज्याझ्व याना दसि पौ ल:ल्हात


थौं रेडियो उपत्यका ८७.६ मेगाहर्ज व मातृ ससक्तिकरण समूह या सहकार्य व समाजको लागि परिवर्तन नेपाल या ग्वासले जुगु न्वचु तालिम समापन ज्याझ्व याना प्रशिक्षार्थ्री पिन्त दसि पौ ल:ल्हागु दु। समाजको लागि परिवर्तन नेपाल या नाय: मेय्जु भगवती जोशी या सभा नाय:सुइ न्हयागु उगु ज्याझ्वलय मुँ पाहाँ कथं नेपाली कांग्रेसया  सांसद नबिन राज जोशी झायादीगु ख। नारायण परिवार क्लब या नाय: प्रचण्ड मान बज्राचार्य, रेडियो उपत्यका ८७.६ मेगाहर्ज़या नाय: पुष्प राज पराजुली, मातृ ससक्तिकरण समूहया नाय: त्रिपुरा लक्ष्मी जोशी, नेवा पत्रकार राष्ट्रीय दबु नाय: श्रीकृष्ण महर्जन पाहाँ कथं झायादीगु ख:। अथेहे पाहाँ कथं रेडियो उपत्यका ८७.६ मेगाहर्ज़ या संचालक समिति दुजपिं निर शाक्य व सन्त कुमार महर्जन, नेपालभासा ज्याझ्व प्रमुख प्रज्वल शाक्य, तालिम संयोजक बिगेन तुलाधार, तालिम ब्यबस्थापन व मातृ ससक्तिकरण समूह या सल्लाहकार बाल कृष्ण महर्जन, तालिम प्रशिक्षकपिं लोकंह्वापीं संचारकर्मी निर्मल बज्राचार्य व बिराज काजी राजोपाध्याय झागु खसा: बिशेष पाहाँ कथं जुद्ध रत्न बज्राचार्य आसन ग्रहण यानादीगु ख।



 ज्याझ्वले सिनं तिका स्वाँमा क्वखाएका मातृ ससक्तिकरण या दुज मेय्जुपिन्सं पाहाँपिंत लसकुस यागु ख। मूँ पाहाँ पाखें त्वादेवा दिप प्रज्वलन याना न्ह्यागु ज्याझ्वले रेडियो उपत्यका नेपालभासा ज्याझ्व प्रमुख प्रज्वल शाक्यं लसकुस न्वचु बियादिल। वयकलं प्रशिक्षन तालिमये ता:लापिंत रेडियो ज्याझ्व न्ह्याकेत लसकुस यानादील।

प्रशिक्षन कायादीपिं २० म्ह प्रशिक्षार्थ्री पिन्त मुँ पाहाँ पाखें दसिपौ ल:ल्हानादिगु खसा तालीम संयोजकं मतिनाया चिं देछाना दिल अथेहे ग्वाहालि यागु संघ संस्था व ब्यक्तित्व यात सुभाय पौ ल:ल्हाना सभापतीं मतिनाया चिं देछाना दिल।

नुग खं तेगु झ्वले प्रशिक्षक पाखें निर्मल बज्राचार्यं लएता वगु खं कना प्रशिक्षार्थी पिंत भबिस्य या नितिन सुवा न बियादिल। तालीम अनुभव बीत प्रशिक्षार्थीपिं सुष्मा राजभण्डारी व सरु श्रेष्ठ झायादिलसा तालीम संयोजकं थगु नुग खं तसें तालीमया बारे जानकारी बियादिल। पाहाँ झायादिम्ह नेवा पत्रकार राष्ट्रीय दबु या नाय श्रीकृष्ण महर्जनं नुग खँ तसें नेवा समाज मातृ सत्तात्मक जूगु न्ह्यथनादिल। रेडियो उपत्यका या म्हसिका नापं नुग खँ नाय पुष्पराज पराजुलीं बियादिलसा नारायण परिवार क्लब व रेडियो उपत्यका न्ह्यागु बारे क्लब या नाय प्रचण्डमान बज्राचार्यं थगु नुग खँ तयेगु झ्वले कनादिल।



नेवा समाजे मिसा यागु अस्तित्व गन दुगु व आ मिस्त छेँ जक च्वनेगु मखु पिहां वया दे न्ह्याके मागु धासें मूँ  पाहाँजूं नुग खँ तयादिल। नेवा त दुने दम्भ दुगु व वैत चीका ची धंगु घेरां पिहां वया दे न्ह्याके फु धका पिहां वे मागु खँ न्हयथनादिल। ज्याझ्वलय ३ म्ह प्रशिक्षार्थी यात ज्याझ्व न्ह्याकेत अनुमति प्रमाणपत्र रेडियो उपत्यका या नाय भाजूं ल:ल्हानादिगु ख।  सुभाय न्वचु  मातृ ससक्तिकरण समूह या नाय त्रिपुरा लक्ष्मी जोशी बियादिलसा ज्याझ्व समापन सभानाय न्ं यानादिल। ज्याझ्व टेकुया सासा बैंक्वेटये जूगु खसा तालिम ब्वति कापिं कबिता श्रेष्ठ व लजना मानन्धरं ज्याझ्व न्ह्याकादिगु ख। 
Share on Google Plus

News: Newa News

    छ्याता
    फेसबुक छ्याता