प्रधानमन्त्री ओलीया राजिनामा


प्रधानमन्त्री केपी शर्मा ओलीं राजिनामा बियादिगु दु । संसदय् थौंया वैठक वने न्ह्यः प्रधानमन्त्री ओलीं राष्ट्रपती विध्यादेवी भण्डारीयात राजीनामा लःल्हानादिगु खः । थम्हं राजीनामा बीधुनागु ओलीं संसदय् जानकारी बियादिल ।

उखे न्हूँ सरकार देकेत लँपु चाःगु दु। थौं न्हिनय् च्वंगु मन्त्री परिषद मूँज्या संविधानया धारा २९८ न्हू सरकार गठनया नितिं मगाःगु धासें धारा ३०५ कथं राष्ट्रपति न्ह्यः बाधा अड्काउ फुकाउ सिफारिस यायेधुंका न्हू सरकार गठनया नितिं लँपु चाःगु खः ।

संविधानकथं न्हू सरकार देकेगु मदेकेगु बारे सरकार व प्रतिपक्ष दलत दथुइ तिब्र बिबाद लिपा सरकारं हे बाधा अड्काउ फुकाउया लागि सिफारिस यासेंलि सरकार गठन सहज जुगु खः । नेपालया संविधान २०७२ कथं संविधान कार्यान्वयनय् छुँ बाधा अड्काउ लाःसा मन्त्रिपरिषदया सिफारिसय् राष्ट्रपतिं बाधा अड्काउ चायेके फैगु ब्यवस्था दु । राष्ट्रपति या उजंयात संसदं अनुमोदन यायेमा ।

Share on Google Plus

News: Newa News

    छ्याता
    फेसबुक छ्याता