रेडियो उपत्यका ८७.६ मेगाहर्जंया रेडियो उद्घोषण तालिम ज्याझ्वः औपचारिक रुपं न्ह्यात

 
रेडियो उपत्यका ८७.६ मेगाहर्जं व मातृ ससक्तिकरण समूहया सहकार्य कथं रेडियो उद्घोषण तालिम ज्याझ्वः औपचारिक रुपं न्ह्यागु दु । थौं सुथय् नारायण परिवार क्लब, वन्दे टेकुइ जुगु उलेज्या ज्याझ्वःलय  येँया क्षेत्र नं ८ या नेपाली कांग्रेस सांसद नविन्द्रराज जोशीं मूपाहाँ कथं उलेज्या यानादीगु खः । समाजया नितिं परिवर्तन नेपालया ग्वसाले जुगु ज्याझ्वःलय समाजया नायः भगवति जोशी सभापति कथं ज्याझ्व न्ह्यागु ख:। उगु ज्याझ्वलय् पाहाँ कथं रेडियो उपत्यकाया नाय: पुष्पराज पराजुली, नारायण परिवार क्लबया नाय प्रचण्डमान बज्राचार्य, मातृ ससक्तिकरण समूहया नाय त्रिपुरा लक्ष्मी जोशी, रेडियो उपत्यका नेपालभाषा ज्याझ्व प्रमुख प्रज्वल शाक्य, रेडियो उपत्यका संचालक समिति सदस्यपिं नीर शाक्य व सन्तकुमार महर्जन नापं नारायण परिवार क्लबया सदस्य सचिब निरज कुमार महर्जन पाहाँ ब्वना तगु ख: । उद्घोसन प्रशि‌‍क्षन निर्मल बज्राचार्य व बिराजकाजी राजोपाध्याय पाखें जुइगु ज्यझ्वलय उद्घोस जुगु ख: । ज्याझ्वले सकल पाहाँ पिन्त तालिम ब्यबस्थापन व मातृ ससक्तिकरण समूह या सल्लाहकार बालकृष्ण महर्जनं खादा कोखायेका लसकुस यानादिगु खसा: प्रमुख अतिथि पाखें तालिम सामाग्री हस्तान्तरण जुगु ख: । रेडियो उपत्यकाया संस्थापक नाय व नारायण परिवार क्लबया पूर्व नाय चक्रमान डंगोल मदुगु ११ ला जुगुलिं वयेकया योगदानया लुमन्ती १ मिनेट मौन धारण यागु ख: ।




पाहाँ कथं झाया दिम्ह प्रज्वल शाक्य पाखें लसकुस न्वचु व रेडियो उपत्यका नेपालभाषा ज्याझ्व या बारे न्ह्यथना बिया ज्याझ्व न्ह्यागु ख:सा, पाहाँ कथं प्रशि‌‍क्षक पाखें बिराजकाजी राजोपाध्याय न्वचु तालिम या महत्व बारे ध्वाथुइका दिगु ख: । अथेहे त्रिपुरा लक्ष्मी जोशीं मातृ ससक्तिकरण समूहया म्हसिका बियादिगु ख: । नारायण परिवार क्लब या नाय प्रचण्ड मान बज्राचार्य पाखें क्लबया म्हसिका व रेडियो उपत्यका या बारे न्ह्यथना दिल अथेहे रेडियो संचालक समिति सदस्य नीर शाक्यं थगु अनुभव व तालिम स्यनामी पिन्त भिन्तुना बिया दिगु ख: । मू पाहाँ नविन्द्र राज जोशीं तालिम ता: लायेमा धका सुवा बिया दिल अथेहे ज्याझ्व या नाय भगवति जोशीजुं तालिम यायेगु या महत्व न्ह्यथनादिल।





 








ज्याझ्वया संचालन, उद्घोसन तालिमया संयोजक बिगेन तुलाधरं यानादिगु ख: । तालिम थ्व हे बैशाख २६ गते निसें लछि तक न्ह्याईसा तालिम दौरानय थीथी संचार गृह भ्रमण याकिगु जानकारी तालिम संयोजकं बियादिगु ख: ।



किपा: निराजन शाक्य
Share on Google Plus

News: Tuladhar Bigen

    छ्याता
    फेसबुक छ्याता

0 comments:

Post a Comment