श्री चक्रमान डंगोल स्मृति प्रतिस्थानया ग्वासले पत्रकारिता क्षमता अभिवृद्धी तालिम जेष्ठ १७ गते निसें न्ह्यागु दु । नारायण परिवार क्लब या सभा हले प्रशिक्षन न्ह्यागु ख:। न्हापांगु दिँ फोटो पत्रकारिता या बिषयलय वरिष्ठ फोटो ग्राफर नापं नेपाल फाेटाे पत्रकार संघया नायः राजभाई सुवालं प्रशिक्षण बियादिगु ख:। थि थि संस्थाय पत्रकारिता लिसे सम्बन्धित ३८ म्ह पत्रकार प्रशिक्षार्थी कथं वगु ख:।
उलेज्या ज्याझ्वया सभा नाय कथं आसन ग्रहण यानादिम्ह प्रतिस्थान या नाय न्हुछें महर्जनं लसकुस न्वचु बिउसें मदुम्ह चक्रमान डंगोलया लुमन्ति कथं तालिम ज्याझ्व न्ह्याकागु व वयेकया म्हगस पुवंके त न्हापांगु खुसि न्ह्याकागु पला: कथं तालिम न्ह्याकागु न्ह्यथना दिल। मदुम्ह चक्रमान डंगाेलया व्यक्तित्व व याेगदानयात कयाः पाहाँपिं नेवाः मिडिया क्लबया नायः नवीन जाेशी, नारायण परिवार क्लबया नायः प्रचण्डमान बज्राचार्य, नेपालवाणी नेटवर्कया समाचार निर्देशक दामाेदर दवाडी, नेवाः पत्रकार राष्ट्रिय दबूया नायः श्रीकृष्ण महर्जन, नेवाः न्यूज डट कम व रेडियो उपत्यका ८७.६ मेगाहर्जया नेपालभाषा प्रमुख प्रज्ज्वल शाक्य पिन्सं नुगखँ तयादिगु ख:। पत्रकारिता ख्य: व तालिम या बारे प्रशिक्षकपिं राजभाई सुवाल व रामजी दाहालपिसं नुगः खँ तयादीगु खः । प्रतिस्थानया गतिबिधि व मदुम्ह डंगोलया याेगदानयात चर्चा प्रतिष्ठानया सल्लाहकार सन्तकुमार महर्जनं यानादिल ।
मदुम्ह समाजसेवी चक्रमान डंगोलया योगदानया बारे चर्चा।
किपा: सन्तकुमार महर्जन
तालिम या किपा स्वयेत थन तिया दिसं।
0 Comments:
Post a Comment