सिरियाली शान्ति वार्तायात ताःलाकेत अमेरिका व रुसयात थथें उच्चस्तरीय पला: न्ह्याकेत इनाप

 

सिरियाया नितिं संयुक्त राष्ट्रसंघीय विशेष दूत स्टेफन डि मिस्टुरां सिरियाली शान्ति वार्तायात ताःलाकेत अमेरिका व रुसयात थथें उच्चस्तरीय पला: न्ह्याकेत इनाप याःगु दु ।

राष्ट्रसंघीय सुरक्षा परिषदयात थ्वबारे न्हयथंसेँ मिस्टुरां सिरियाली युद्धविराम पालना मजुगु धासें थ्वयात ल्यंका तयेत अमेरिका व रुसं पहल यायेमागु न्ह्यथंगु दु । युद्धविराम सम्झौता हाकनं हाकनं उल्लंघन जुगु द्वपंनय् सिरियाली विपक्षी पुचलं वंगु वानिसें वार्ता बहिष्कार यागु दु । विषेश दूत मिस्टुरां आ मे महिनाय् जेनेभाय् सिरियाली शान्ति प्रक्रियाबारे वार्ता जुइगु सम्भावना दुगु न्ह्यथनादिल ।

आ मेगु चरणया वार्ता छुँ ई लिपा जुइ धासें वयेकलं सत्रुता अन्त्यया कुतः म्हो जुइ मबीत नं थ्वयात निरन्तरता बीमागुुलि जोड ब्युगु दु। नापं वयेकलं आमेरिकी राष्ट्रपति बाराक ओबामा व रुसी राष्ट्रपति भ्लादिमिर पुटिनं वार्ता ताःलाके फइगु आशा व्यक्त यागु दु ।
Share on Google Plus

News: Newa News

    छ्याता
    फेसबुक छ्याता

0 comments:

Post a Comment