सिंहदरबार दुने खिचा ब्यबस्थापन

 

सिंहदरबार दुने खिचा ब्यबस्थापन यायेगु ज्या न्ह्यागु दु ।  नगर क्षेत्रदुने दुपिं लाछि खिचाया मानवीय व वैज्ञानिक व्यवस्थापन अथेहे बांलागु नगर विकासया परिकल्पना नापं अभियान कथंहे न्ह्याकुगु खिचा ब्यवस्थापन ज्याया थौं पशुपंक्षी विकास मन्त्री शान्ता मानवीं उलेज्या यानादिल । 
सिंहदरबार लागाय् दुगु लाछि खिचाया बन्ध्याकरण याना रेबिज बिरुद्धया खोप तःगु दु ।  अथेहे छुं खिचायात माइक्रो चिप्स नं तःगु दु ।
सिंहदरबार पुननिर्माण समितिया सचिवालय, येँ महानगरपालिका, ह्युमन सोसाइटी इन्टरनेशनल व द जान गुडल इन्स्टिच्युटया साझेदारिइ  अभियान कथं सिहदरबार दुनेया लाछि खिचा ब्यवस्थापन यायेत्यंगु खः ।
सिंहदरबारयात खिचाया असर मुक्त देकेत व खिचाय् जुइगु संक्रामक ल्वय् मजुइकेत, खिचां सवारीइ अवरोध मयाकेत नापंया सुधार यायेगु कथं अभियानं शुन्य लाछि खिचा देकेगु लक्ष्य काःगु सिंहदरबार पुननिर्माण समितिया सचिवालय, येँ महानगरपालिका, ह्युमन सोसाइटी इन्टरनेशनल व द जान गुडल इन्स्टिच्युटपाखें पितब्वगु मंका बिज्ञप्तीइ न्ह्यथनातगु दु ।
Share on Google Plus

News: Newa News

    छ्याता
    फेसबुक छ्याता