प्रकाशमान सिंहं थथें संसद मूँज्या सतेत सरकारयाप अपिल


नेपाली काँग्रेसया नेता प्रकाशमान सिंहं थथें संसद मूँज्या सतेत सरकारनाप अपिल याना दिगु दु ।
संसद मूँज्याय् यक्व खँय् तधंगु सहलह यायेमागु जुगुलिं थ्वपाखे गम्भीर जुइत सरकार व सत्तासिन दलतयेत अपिल यानादिगु खः । निर्वाचन लागा पूर्वाधार बिशेष ज्याझ्वः अन्तर्गतया ध्यबां बिजय स्मारक उच्च मावि डिलिबजारय् मल्टिमिडिया सभा हलया उलेज्या यासें नेता सिंहं सरकारया संरक्षणय् देसय् हाकु बजाः अप्वगु द्वपं तयादिल ।

सरकारं याये मागु न्युनतम ज्यातकं याये मफुगु व भ्वखाय् ब्वगु दछि वंसाँ छुँ ज्या न्ह्याःके मफुगुलिं आ थ्व फुक्क खँय् संसदय् खँ ल्ह्वनेगु न्ह्यथनादिल । वयेकं सरकारी ब्वनेकुथिया सुधार थःगु प्राथमिकता जुगु तकं न्ह्यथनादिगु दु ।
Share on Google Plus

News: Newa News

    छ्याता
    फेसबुक छ्याता