अमेरिकी राष्ट्रपति बाराक ओबामां बेलायत युरोपियन युनियन इयुं पिहाँवसा अमेरिकानापया व्यापारिक सम्बन्ध देकेत वैत १० दँ मालिगु ख्याच्व ब्युसेँलि अन्तराष्ट्रिय स्तरय् बेलायतया प्रभाव म्हो जुइफुगु न्ह्यथंगु दु ।
ओबामाया थज्यागु ख्याच्वलं बेलायतया युरोपीयन युनियनं ब्यागलं च्वनेगु अभियान न्ह्याकाच्वंपिं तंम्वयेका च्वंगु दु ।
युकेआईपीया नेता निगेल फराजं ओबामाया धापु बकवास जुगु न्ह्यथंगु दु । वयेकलं सुँ अमेरिकाया राष्ट्रपतिं बेलायत वयाः थःपिंत ख्याच्व ब्युगु न्यने व पचेयाये मफैगु न्हयथना दिल ।
लेबर पार्टीया सांसद गिसेला स्टुअर्टं अमेरिकां बेलायतयात बेकारया संगठनया नितिं दबाब बीगु असाधारण खँ जुगु न्ह्यथनादिल ।
ओबामां थ्व न्ह्यः नं युरोपियन युनियनं पिने वंसेंलि बेलायतनापया व्यापारिक कारोबारय् अमेरिका लिचिलिगु न्ह्यथंगु खः । ओबामां थ्वया कारण विश्वेहे बेलायतया प्रभाव म्हो जुइगु न्ह्यथंगु दु ।
0 Comments:
Post a Comment