प्रधानमन्त्री ओलीं पुनःनिर्माण अभियानयात तीव्रता बीत इनाप



प्रधानमन्त्री केपी शर्मा ओलीं आत्मविश्वास नापं पुनःनिर्माण अभियानयात तीव्रता बीत इनाप यानादिगु दु । थौं स्वयम्भूइ ग्वसाग्वगु सम्पदा पुनःनिर्माण अभियानया प्रारम्भ ज्याझ्वलय् प्रधानमन्त्री ओलीं विनाशकारी भ्वखाय् ब्वगु दछि जुसाँनं पुनःनिर्माणं गति कायेमफुगु स्वीकार यासें आ याकनं ज्या जुइगु न्ह्यथनादिगु दु ।
प्रधानमन्त्री ओलीं जनतायात थाकुयाच्वंगु व असुविधा जुगु धासें याकनं पुनःनिर्माण अभियान सञ्चालन यायेत सम्बन्धित निकाययात उजँ बिइधुंकुगु न्हयथना दिल । वयेकलं पुनःनिर्माण व देः विकास याये फु धइगु आत्मविश्वास नापं पुननिर्माणय् जायेत फुक्कसित यानादिल ।
वयेकलं ८ गु लख निजी छेँ दुँगु इलय् सरकारं ध्यबा बिया नं थथें न्हुगु छेँ देके मफइगुलिं मंका टहरा देकेगु नं योजना तःगु न्ह्यथनादिल । प्रधानमन्त्री ओलीं कानुन तर्जुमा लिबागुलिं ज्या याकनं मजुगु न्हयथना दिल । प्रधानमन्त्री ओलीं ऐतिहासिक कला, धर्म, संस्कृति झीगु आस्थाया धरोहरयात म्वाकेत कथहं ज्या यायेत नं इनाप यानादिल ।
विनाशकारी भ्वखाय् ब्वगु वार्षिकी लाका सरकारं स्वनिगया प्यंगु तधंगु सम्पदास्थलय् प्रमुख दलया शीर्ष नेताया उपस्थितिइ पुनःनिर्माण ज्या न्ह्याकेगु तय यागु खः ।
Share on Google Plus

News: Newa News

    छ्याता
    फेसबुक छ्याता