असार दुने फुक्क भ्वखाय् पिडिततयेत बाय् बीगु


प्रधानमन्त्री केपी शर्मा ओलीं असार दुने फुक्क भ्वखाय् पिडिततयेत बाय् बीगु योजना दुगुु न्ह्यथनादिगु दु । थौं सुथः बालुवाटारय् भ्वखाय् प्रभाबित लागाया काँग्रेस सांसदया ज्ञापन पौ लःल्हानाकासें प्रधानमन्त्री ओलीं असारदुने सुँ नं छेँ मदेक च्वने म्वागु धासें फुक्कसित बाँलागु थाय्बाय्या व्यवस्था यायेगु न्ह्यथनादिल ।

वयेकलं सरकारं भ्वखाय् प्रभावित जिल्लाय् हाकनं देकेज्यायात ब्वाकेगु धासें जनतायात सहज तरिकां राहत बीत सरकारं न्ह्याथें याइगु नुगखँ तयादिल । काँग्रेस सांसदतयेसं भ्वखाय् पिडितयात राहत इनेगु बिधि अपुकेत इनाप यागु खः । अथेहे इम्सं हाकु बजा पनेत सरकार मफु धासें इन्धन अभाव ज्यंकेत प्रधानमन्त्रीया ध्यानाकर्षण यागु दु ।

प्रधानमन्त्री ओलीं बजारय् हाकु बजारं यागु कृतिम अभावयात नियन्त्रणय् कायेत सरकारं उजँ बीधुंकुगु न्ह्यथनादिल । वयेकलं दे:यात न्ह्यःने यंकेत राष्ट्रिय एकता मागु न्ह्यथनादिल ।

ज्ञापन पौ लःल्हासें काँग्रेस सांसदतयेसं सरकारया ज्या व व्यवहारं भ्वखाय् पिडितया नितिं राहत सर्गया स्वाँ थें जुगु द्वपं ब्युगु दु ।  इम्सं छेँ देकेगु ज्याझ्वलय् निशुल्क नक्सा पासया व्यबस्था यायेत माग यागु दुसा हाकुबजा नियन्त्रण यासें ईन्धनको अपुक आपूर्ति यायेत नं माग यागु दु ।
Share on Google Plus

News: Newa News

    छ्याता
    फेसबुक छ्याता