अमेरिकाया राष्ट्रपतिया नितिं रिपब्लिकन पार्टीया उम्मेदवारी धेंधेंबल्लाय् दुम्ह डोनाल्ड ट्रम्पं थःगु नीति न्ह्यब्वगु दु। लिपांगु इलय् न्यागु राज्यय् जुगु प्रारम्भीक चुनावय् त्याम्ह ट्रम्पं थः फुक्कस्वयाँ न्हापा अमेरिकाया नीतियात प्राथमिकता बीगु न्ह्यथंगु दु। वयेकलं राष्ट्रपति बाराक ओबामाया विदेश नीति पुवंक असफल जुगु द्वपं ब्युसेँ थज्यागु लक्ष्यहीन नीतिं देयात फाइदा मजुइगु बताए । कनेक्टिकट, डेलावर, मेरिल्यान्ड, पेनसिलभानिया व रोडो आइल्यान्डय् त्यायेधुँका ट्रम्पं थःत सर्वसम्मतिं रिपब्लिकन उम्मदवार देकुगु दाबी तकं यागु दु ।
ट्रम्पं चरमपन्थी पुचः इस्लामिक स्टेट (आइएस) यात ख्याच्व ब्युसें इमिगु बामलागु दिं न्ह्यायेधुंकुगु जुइधुँकुगु न्ह्यथनादिल । वयेकलं आइएसयात बमलाकेया नितिं इन्धनया पहुँच समाप्त यायेमागुलि जोड ब्युगु दु। थ्वकथं रुस, चीन व मेपिं ग्वाहालिमि देःतयेत छधी याना यंकेत खँ ब्याकेगु वयेकया धापु खः ।
0 Comments:
Post a Comment