नेपाल राष्ट्र बैंकया गभर्नर डा चिरञ्जीवी नेपालं बैंक व वित्तीय संस्थायात न्हुगु लागा माला लगानी यायेत छ्याता ब्युगु दु । वयेकलं बैंक व वित्तीय संस्थाया तरलतायात व्यवस्थापन यायेत व लगानी न्यंकेत छ्याता बियादिगु खः । लगानीया लागा न्यंका देःया आर्थिक विकासय् ग्वाहालि जुइगु धासें वयेकलं न्हुगु लागाया मालेज्या याना लगानी अप्वयेकेत छ्याता बियादिगु खः । थौं बुटवलय् मेगा बैंक लिमिटेड व पश्चिमाञ्चल डेभलपमेन्ट बैंकया मंका कारोबार सुरुवातया उलेज्या यासें बैंकत स्वाकेधुँका उकिया व्यवस्थापकीय सुशासन तधंगु हुने न्ह्यथनादिल । लगानीकर्तां व्यवस्थापन पक्षयात दबाबय् लाका सुशासन स्यनिगु लकस मदेकेत नं छ्याता बियादिल ।
वयेकलं बैंक व वित्तीय संस्थाया अर्थतन्त्रय् मध्यस्थताया भूमिका जुइगु व व्यवसायीयात सरल व सहज सेवा प्रदान यायेगुु मू जिम्मा जुइगु न्ह्यथनादिल ।
0 Comments:
Post a Comment