मलेसिया टिमनाप जुइगु मैत्रीपूर्ण कासाया नितिं राष्ट्रिय फुटबल पुचया घोषणा


अखिल नेपाल फुटबल सङ्घ एन्फां चैत १४ गते मलेसियाया २२ दँ क्वय्या टिमनाप जुइगु मैत्रीपूर्ण कासाया नितिं राष्ट्रिय फुटबल पुचया घोषणा यागु दु । सातदोबाटोस एन्फा कम्प्लेक्सय् थौं पत्रकार सम्मेलन याना नेपामी पुचया मू प्रशिक्षक ग्योउतोकु कोजीं २३ म्ह दुज दुगु पुचया नां पितव्युगु खः ।
छुँ ला न्ह्यः भारतय् क्वचागु सागय् स्वर्ण पदक त्यापिं कासामित यक्व धइथें दुगु पुचलय् स्वम्ह गोलकिपर, गुम्ह डिफेन्डर, खुम्ह मिडफिल्डर व न्याम्ह फरवार्ड दु । गोलकिपरय् विकेश कुथू, विशाल श्रेष्ठ व किरणकुमार लिम्बु दुसा डिफेन्डरय् विजय धिमाल, विराज महर्जन, देवेन्द्र तामाङ, दिनेश राजवंशी, जितेन्द्र कार्की, कमल श्रेष्ठ, मनबहादुर तामाङ, रविन श्रेष्ठ व रन्जित धिमाल दु । अथेहे मिडफिल्डरय् विशाल राई, हेमन गुरुङ, जगजित श्रेष्ठ, प्रकाश बुढाथोकी, सुजल श्रेष्ठ व सुनिल बल दुसा ‘फरवार्ड लाइन’ भरत खवास, विश्वास श्रेष्ठ, नवगुग श्रेष्ठ, रन्जन विष्ट व सुमन लामाया ल्हातय् दु ।
Share on Google Plus

News: Newa News

    छ्याता
    फेसबुक छ्याता