संविधानया विशेषताबारे जनतायात सुसूचित यायेत थौं निसें राष्ट्रव्यापी प्रचार अभियान


कछलागा ११, ११३६ :

सरकारं संविधानसभां पितब्वगु न्हूगु संविधानया विशेषताबारे जनतायात सुसूचित यायेत थौं निसें राष्ट्रव्यापी प्रचार अभियान न्ह्याकुगु दु । राष्ट्रिय सभागृहस प्रधानमन्त्री केपी शर्मा ओलीं दिप प्रज्वललन याना उलेज्या जुगु ज्याझ्वलय् बटुकतयेसं वेदया ऋचा बाचन याना अभियानया औपचारिक शुभारम्भ यागु खः । अभियानया शुभारम्भ ज्याझ्वलय् नवासें प्रधानमन्त्री ओलीं नेपाः आ न्हूगु युगय् दुहाँवंगु धासें थुकियात फुक्क जनतां आत्मसाथ याना न्ह्याः वंसा दे छुँ देँय् हे समृद्ध जुइगु दावी यानादिल ।
वयेकलं थुगु संविधान छुँ जात, भूगोल वा समुदायया नितिं मजुसे फुक्क नेपामी जनताया नितिं समुदायया प्रतिनिधिपाखें देकुगु स्पष्ट यानादिल ।
ज्याझ्वलय् उपप्रधान तथा परराष्ट्रमन्त्री कमल थापा, पूर्व सभामुख सुवास नेम्वाङ नापं थीथी व्यक्तित्वपिंसं सम्बोधन यानादिगु दु । सरकारया विशिष्ट व्यक्तिपिनिगु उपस्थितीइ न्ह्याःगु अभियान ७५ गु जिल्लाया सदरमुकाम नापं २ स १७ गु नगरपालिका व ३ द्व सछि व ५७ गु गाविसय् सरकारी प्रतिनिधिया नाप वैगु २१ पुसतक न्ह्याइ । अभियानअन्तर्गत जिल्लाय् जुइगु ज्याझ्वलय् केन्दपाखें प्रधानमन्त्री, उपप्रधानमन्त्री, मन्त्री, पूर्वप्रधानमन्त्रीनापं विशिष्ट व्यक्तित्वतयेगु ब्वति दइ ।
नगरपालिका व गाविसय् दलया स्थानीय कार्यकर्ता, सांसद नापं ब्वति काइ । स्थानीय विकासमन्त्री तकं जुम्ह उपप्रधानमन्त्री कमल थापां संविधानया विशेषताबारे जनतायात वास्तविक रुप सुसूचित यायेत अभियानया मू आज्जु जुगु न्ह्यथनादिल । वंगु मंसिर ८ गतेया मन्त्रिपरिषद् बैठकं संविधान विरुद्ध न्यंगु भ्रम चीकेत थौंनिसें लछि तक देन्यंकं अभियान संचालन यायेगु निर्णय कथं अभियान न्ह्याःगु खः ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment