कछलागा ११, ११३६ : निगमं न्ही ४० गु पम्पं निजी सवारी साधनयात इनेत्यंगु पेट्रोल कायेत नविकरण जुगु विलबुक अनिवार्य।
नेपाल आयल निगमं कन्हेनिसें निजी मोटरसाईकल व स्कुटरयात पेट्रोल वितरण याइगु जुगु दु । निगमं मोटरसाइकल र स्कुटरयात ४ लिटरया दरं पालंपा इनेत्यंगु दु । मोटरसाईकल व स्कुटरयात सुथ ९ ता इलय् छन्हु अतः ४ न्हु पेट्रोल इनेत्यंगु दु ।निगमं कन्हे २२ गते १ निसें २५ लट तकया मोटरसाईकल व स्कुटर, २४ गते २६ निसें ४० लट तक, २६ गते ४१ निसें ५५ लट तक, २८ गते ५६ निसें च्वयेया मोटरसाईक व स्कुटरयात पेट्रोल इनेत्यंगु निगम थानकोट डिपोया प्रमुख रविन कुमार शर्मां न्ह्यथनादिल । प्रमुख शर्माया कथं मोटरसाइकल व स्कुटरया पाः सिधयेका जक कार, जिप, भ्यानयात पेट्रोल बीगु जुइ । निगमं न्ही ४० गु पम्पं निजी सवारी साधनयात पेट्रोल इनेत्यंगु दु ।
पेट्रोल कायेत लाईनय् च्वनिपिं सर्बसाधारणं सम्बन्धीत सवारी साधनया नविकरण जुगु विलबुक अनिबार्य हयेमागु न्ह्यथंगु दु ।
पेट्रोल दइगु आशय् छ्यलाबुलाय् मवगु सवारी साधन तकं लाईनय् च्वनिगु यागुलिं निगमं नविकरण अनिवार्य यागु दु । निगमं पम्पं पेट्रोलियम पद्र्धाथ कया हाकु बजाः यागु लुगुलिं नविकरण जुगु विलबुक हपिंत जक पेट्रोल बीगु न्ह्यथंगु दु ।
छ्याता
फेसबुक छ्याता