स्वरस्रमात नारायण गोपाल गुरुवाचार्यया २५ क्वगु लुमन्ति दिवस थौं



कछलाथ्व १०, ११३६ : ज्वः मदुगु सः व सदाबहार म्ये हालामी स्वरस्रमात नारायण गोपालयात सुना ल्वमनी?

नेपाया सुगम संगीतया च्वजाम्ह म्ये हालामि नारायण गोपाल गुरुवाचार्यया २५ क्वगु लुमन्ति दिवस थौं थीथी ज्याझ्व याना न्यायेकुगु दु । वयेकया लुमन्तिइ थुगु दँया नारायण गोपाल स्मृती पुरस्कारं म्ये हालामि हरिप्रसाद रिमाल व संगितकार शम्भुजित बास्कोटायात हंगु दु । निम्हसितं २५ द्व तका नाप हंगु नारायण गोपाल स्मृती कोषं न्ह्यथंगु दु ।


विक्रम सम्वत् २०२० सालय् रेडियो नेपालपाखें माणिकरत्न स्थापित व प्रेमध्वज प्रधानया संगीतय् म्ये हाला सः परीक्षा पास याम्ह नारायण गोपालं सछि व ३६ गु स्वयां यक्व म्ये हालातगु दु । नारायण गोपालया ज्वः मदुगु सः व सदाबहार म्ये या हुनिं वयेकयात स्वरस्रमात कथं नं नालाकयातःगु दु ।

स्वर्गकी रानी, आँखाको भाखा आँखैले, भो भो मलाई नछेक, मधुमासमा यो दिल, बिर्सेर फेरि मलाई नहेर, चिनारी हाम्रो धेरै पुरानो, तिम्रो जस्तो मुटु मेरो पनि, लौ सुन म भन्छु मेरो रामकहानी आदि यक्व ल्वकंह्वागु म्ये हालादिम्ह नारायण गोपालं नेपाल भाषा या म्ये संगीत तयादिसां रेकर्ड धासा यानादिगु मदु। 

वि.सं १९९६ सालय् येँया किलागल् बुम्ह नारायण गोपाल २०४७ साल मंसिर १९ गतेया दिं चिनील्वचं मदुगु खः ।

नारायण गोपाल या नेवा संगीत दुगु म्ये : 

नारायण गोपाल या सुमधुर आधुनिक नेपाली म्ये :


Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment