न्ह्येक्वगु राष्ट्रिय मानवअधिकार महाभेला थौंनिसें न्ह्यात


कछलागा १२, ११३६ : न्ह्येक्वगु राष्ट्रिय मानवअधिकार महाभेला, २०७२ थौंनिसें न्ह्यात । लोकतन्त्र, मानवअधिकार व समावेशिता नापं मिसा ब्वति’ धइगु नारा नापं महाभेला न्ह्याःगु खः । नेपाल प्रज्ञा प्रतिष्ठान कमलादीइ जुगु महाभेलायात राष्ट्रपति विद्यादेवी भण्डारीं उलेज्या यानादिगु दु । 
महाभेलाया उलेज्यालिपा न्हापांगु दिंया सत्र थौं ताःईतक विकास यायेगु आज्जुया नितिं मिसा सशक्तिकरणया बिषयलय् सहलह जुइ ।
अथेहे ताःईया विकास आज्जु व यौन, प्रजनन उसाँये अधिकार व नेपालय् मिसा अधिकारया अभियान, नागरिकता व मानवअधिकार शिक्षा नापंया ब्यागलं ब्यागलं विषयलय् ज्यापौ न्ह्यब्वयेगु ज्याझ्व दु । महाभेलां शुक्रबार यें घोषणापौ न्ह्यब्वइगु जुगु दु ।
राष्ट्रिय मानवअधिकार आयोगं थुखे मधेस आन्दोलनया अनुगमनयात हाकनं कथहं यंके त्यंगु दु । वंगु मङ्सिर १७ गते सर्लाही जिल्ला नवलपुरया जुटपानीइ आयोगया अनुगमन पुचयात जुगु आक्रमणलिपा आयोगं असुरक्षाया हुनिं अनुगमन दिकुगु खः

Share on Google Plus

News: Newa News

    छ्याता
    फेसबुक छ्याता