सरकार व आन्दोलनरत मधेसी मोर्चा दथुइ ७ ता ई या नितिं वार्ता सःतल

११३६ कछलागा १०, मोर्चाया नेता बालुवाटार त्वता भारतीय दूतावास, भारत वनेगु झ्व न्ह्यात, प्रधानमन्त्री नाप बहनी ७ ता इले वार्ता

सरकार व आन्दोलनरत मधेसी मोर्चा दथुइ थौं सनिलय् वार्ता जुइत्यंगु दु । मोर्चाया नेता दिल्लीं लिहाँवयेधुंका जक निर्णायक वार्ता यायेगु धासां प्रधानमन्त्री केपी शर्मा ओलीें बहनी ७ ता ई या नितिं वार्ता सःतुगु प्रधानमन्त्रीया प्रेस सल्लाहकार प्रमोद दाहालं न्ह्यथनादिल ।

सत्ता साझेदार व प्रमुख प्रतिपक्षी दल कांग्रेसं मोर्चाया मागयात सम्बोधन यायेत संविधान संशोधन विधेयकयात ह्यूपा याना न्ह्याः वनेगु क्वछिधुंकुगु दु । वार्ताय् सीमांकनया विवाद राजनीतिक समितिपाखें स्वला दुने क्वछीगु स्वंगु दलया मंका धापु मोर्चानाप सहलह जुइत्यंगु खः ।
म्हिग बहनी हे जुइ धागु वार्ता, मोर्चाया नेता बालुवाटार बैठक त्वता भारतीय दूतावास लैनचौर वंसेंलि लिज्यागु खः ।

Share on Google Plus

News: Newa News

    छ्याता
    फेसबुक छ्याता