पशुपति क्षेत्र विकास कोषं थुगु दँय् हरितालिका तीजय् नं पशुपतिनाथया न्याकनं दर्शन यायेत भक्तजनया नितिं द्वछि दां टिकटया व्यवस्था यागु दु ।
तीज खुन्हु सुथ ३ ता इनिसें सनिलया ८ ता इतक देगया प्यंगु ध्वाखा चाइसा देगया नित्य पूजाया नितिं धौछितक दर्शन याये दइ मखु । बहनितक हे दर्शनया व्यवस्था यानातगु दु ।
मंगलबार ग्वसाग्वगु पत्रकार सम्मेलनय् कोषया सदस्यसचिव डा गोविन्द टण्डनं दर्शनया नितिं वइपिं अशक्त व ज्याथाज्याथी पिंत न्याकनं दर्शन यायेगु व्यवस्था दुगु न्ह्यथनादिगु खः । कोषं मेलाया नितिं वइपिं भक्तजनतय्त व्यवस्थित यायेत सञ्चालक समितिया दुजः बबिता पौडेलया संयोजकत्वय् १०१ सदस्यीय मूल समारोह समिति नं गठन यागु दु ।
0 Comments:
Post a Comment