नेपाया संविधान २०७२ असोज ३ गते जारी जुइगु


आइतबारनिसें न्ह्याःगु संविधानया परिमार्जित विधेयकय् लाःगु संशोधन प्रस्ताबया मतदान न्ह्यानाच्वंंगु दु । 
थ्व न्ह्यः म्हिगया संबिधानसभा मूँज्याय् ४ निसें ५७ तकया धारात पारित यागु खः ।
न्हुगु सबिधानया बिद्येयकय् स्वस व निगु धारा तयातगु दु । संशोधन प्रस्ताव लित काये मन दसा लित कायेत ई ब्युसें संबिधानसभा नाय सुवास नेम्वाङं ध्वनी मतपाखें मत क्वछिनादिगु दु ।
असोज ३ गते जारी यायेगु तयारी यानाच्वंगु नेपाया संविधान २०७२ कथं आ प्रधानमन्त्रीया कार्यकाल म्होतिं निदँ जुइ ।
संविधानया धारा १०० या उपधारा ४ य् प्रधानमन्त्री विरुद्ध निदँतक अविश्वासया प्रस्ताव पेश याये मदइगु उल्लेख यानातगु दु ।
निदँ पुवनेधुंका प्रधानमन्त्रीया विकल्प नापं संसदया प्यब्वय् छब्व दुजलं प्रधानमन्त्री विरुद्ध अविश्वासया प्रस्ताव तय् दइगु व्यवस्था थौं या संविधानसभां बहुमतं पारित यागु दु । थुगु धारा जनमोर्चाया नाय चित्रबाहादुर केसी नापंया पिंसं संशोधन प्रस्ताव पेश यागु खः ।
अथेहे संबिधानया परीमार्जित बिधेयकया धारा ११४,११५,११६ र ११७ गु लि धासा छुं संशोधन प्रस्ताव दर्ता जुगु मदु ।


थ्व हे झ्वलय् परराष्ट्रमन्त्री महेन्द्रबहादुर पाण्डें असोज ३ गते नेपाया संविधान सार्वजनिक यायेगु विशेष समारोहलय् फुक्क मित्र राष्ट्रका प्रतिनिधित ब्वति काइगु न्ह्यथनादिगु दु ।
रिपोर्टर्स क्लब नेपालं ग्वसाग्वगु साक्षात्कारय् वय्कलं इ म्हो जुगुलिं समस्या जुइफुसां समारोहलय् फुक्क मित्रराष्ट्र कुटनीतिक नियोगया मिसन प्रमुखपिंत उपस्थिति याकेत सरकारं पहल यागु न्ह्यथनादिल ।

Share on Google Plus

News: Newa News

    छ्याता
    फेसबुक छ्याता