प्यंगु मधेसवादी दल दुगु संयूक्त लोकतान्त्रिक मधेसी मोर्चा व विजयकुमार गच्छदार नेतृत्वया संघीय लोकतान्त्रिक मोर्चा दथुइ मधेसय् दुगु फुक्क मोर्चा नाप कार्यगत एकता याना आन्दोलनयात न्ह्यःने यंकेगु सहमति जुगु दु ।
निगुु मोर्चाया कार्यदल दथुइ थौं जुगु सहलहस संघीय सदभावना पार्टीया नाय अनिल झा नेतृत्वया मोर्चा व जेपी गुप्ता नेतृत्वया मोर्चानाप नं कार्यगत एकता याना वनेगु सहमति जुगु फोरम लोकतान्त्रिकया महासचिव रामजनम चौधरीं न्ह्यथनादिल ।
प्यंगु दल सम्मिलित मोर्चां राजेन्द्र श्रेष्ठ नेतृत्वय् व गच्छदार मोर्चां रामजनम चौधरीया नेतृत्वय् बार्ता पुच गठन यागु खः ।
अथेहे सरकार व मधेसी मोर्चाया शिर्ष नेतातयेसं औपचारिक बार्ताया लहस देकेगु कुतलय् अनौपचारिक बार्ता न्ह्यानाच्वंगु दु ।
अनौपचारिक जिम्मेवारी काम्ह बन मन्त्री महेश आचार्य व तराई मधेस लोकतान्त्रिक पार्टीया अध्यक्ष महन्थ ठाकुरदथुइ अनौपचारिक बार्ता जुगु खः ।
येँय् गोप्य थासय् जुगु बार्ताय् संविधानय् सुनिश्चित जुगु अधिकार व ल्यँदुगु विषयत सूचिकृत यायेगु व बार्ताया लकस देकेगु विषयलय् सहलह जुगु खः ।
0 Comments:
Post a Comment