डा. बाबुराम भट्टराई पार्टी परित्याग

baburam

पूर्व प्रधानमन्त्री डा. बाबुराम भट्टराई नं एकीकृत नेकपा माओवादी पार्टी परित्यागया घोषणा यानादिगु दु ।

थौं पत्रकार सम्मेलन याना भट्टराई नं एमाओवादी परित्यागया घोषणा यानादिगु खः । भट्टराई नं पार्टीया साधारण दुज तकं मजुइगु कथं पार्टी त्वतागु माओवादी अध्यक्ष प्रचण्डयात न्ह्यथनादिल ।

भट्टराई न्हुगु पार्टी थथें मचाय्केगु न्ह्यथनादिगु दु । वयेकलं छुँ ई स्वतन्त्र नागरिक कथं जुइगु न्ह्यथनादिल ।

२०५२ सालय् माओवादीं जनयुद्ध याये न्ह्यः संयुक्त जनमोर्चा नेपालं भट्टराईया नेतृत्वय् ४० गु बुँदे माग तत्कालीन देउवा सरकारयात लल्हाःगु खः ।

गोरखा क्षेत्र नम्बर १ पाखें प्रत्यक्ष निर्वाचित वयेकलं संसद दुजःपाखें नं राजीनामा बियादिगु दु । राजीनामा पौ सभामुखयात लल्हाये धुंकुगु दु ।

भट्टराई आ देश व जनताया सेवाय् ज्या यायेगु न्ह्यथनादिगु दु । नापं वयेकलं राष्ट्रिय स्वाधिनता, स्वाभौमिकता, अखण्डताया, समावेशी र समानुपातिक लोकतन्त्र, सम्ृवद्धि, सामाजिक न्याय व सदाचार प्रति प्रतिवद्धता प्वंकादिगु दु ।
Share on Google Plus

News: Newa News

    छ्याता
    फेसबुक छ्याता