प्रदेश सिमांकनया विवाद सहलह सकारात्मक

sushil koiralaप्रदेश सिमांकनया विवाद ज्यंकेत थौं नं दलत सहलहस व्यस्त जुयाच्वंगु दु । संविधानसभा दुनेया राजनीतिक संवाद व सहमति समिति अन्र्तर्गत शीर्ष नेतात दुगु विशेष समितिं आ नं सहलह यानाच्वंगु दु ।
दलत दथुया सहमति मजुगुलिं थौं न्हिनय् १ ता इलय् सतातःगु संवाद समितिया पूर्ण वैठक आतकनं च्वनेमफुनि ।
थ्व न्ह्यः ३ ता इलय् च्वनिगु धागु बैठक विषेश समितिया बैठक ताहा जुगुलिं ५ ता या नितिं लिज्यागु खः । तर विशेष समितिया मूँज्या आ तकनं न्ह्यानाच्वंगुलिं संवाद समितिया मूँज्या च्वनेमफुगु खः ।
शीर्ष नेतातयेसं सहमति यायेधुंका संवाद समितिं अनुमोदन याना संविधानसभाय् लःल्हायेगु ज्याधलः दुसां शीर्ष नेतातय् दथुया खँ मब्यासिनि संवाद समितिया मूँज्यां ठोस निर्णय यायेगु आधार धासा आ तक नं खनेमदुनि ।
तर विशेष समितिया मूँज्यालिपा पिहाँवयेगु इलय् प्रधानमन्त्री सुशील कोइरालां थौं न्ह्याथें यानानं सहमति जुइगु न्ह्यथनादिल । सञ्चारकमी नाप खँ ब्याकुसें वयेकलं आ तकया सहलह एकदम सकारात्मक जुगुलिं थौं न्ह्याथें जुसां सहमति जुइगु विश्वास व्यक्त यानादिल । 
Share on Google Plus

News: Newa News

    छ्याता
    फेसबुक छ्याता