बन्दं देन्यंकं जनजीवन प्रभावित

न्हुगु संविधानया प्रारम्भिक मस्यौदाय् विमती तयाच्वंगु मधेस केन्द्रित दल व आदिवासी जनजाती नापंया थीथी पुचलं आव्हान यागु बन्दं देन्यंकं जनजीवन प्रभावित जुगु दु । स्वनिगः नापं देया थीथी जिल्लाय् बन्दं प्रभाव लाकुगु दु ।
बन्दया अवज्ञा यागु धासें बबरमहलय् बा २ ख ९६६१ नम्बरया बसय् बन्दकर्तां तोडफोड यागु दु ।
येंया थीथी थासे बन्द याकाच्वंपिं संघीय समाजबादी पार्टीया उपाध्यक्ष राजेन्द्र श्रेष्ठ नापं ६१ म्हसित प्रहरीं ज्वंगु दु ।
मकवानपुरया हेटौंडाय् बन्दकर्तां ६ ग गाडी तोडफोड यागु दु । बन्दया अवज्ञा यागु धासें हेटौंडाया बसपार्क, बाइपास रोड, बुद्धचोक नापंया थासय् ६ ग गाडी  तोडफोड जुगु दु । बन्दकर्तां ५ ग ट्रक व छगु मोटरसाइकल तोडफोड यागु दु ।

बन्दकर्तां बसपार्क व बाइपास सतकय् ना ५ ख ६६७४, ना ४ ख ४८८७, ना २ ख १२७९ व ना ३ ख ६५४८ नम्बरया प्यंग ट्रक व एच आर ५५ टी ०५२४ नम्बरया भारतीय नम्बर प्लेटदुगु ट्रकय् तोडफोड यागु खः ।

Share on Google Plus

News: Newa News

    छ्याता
    फेसबुक छ्याता