मसान जिर्णोद्धार समितिया न्हूगु कार्य समिति गठन

येँ :
मसान जिर्णोद्धार समितिया २६ क्वःगु वार्षिक साधारणसभा ने.सं. ११३५ कछलाथ्वः नवमि (कार्तिक १५ गते) शनिवाः जुल । बरननी त्वालय् जूगु साधारणसभां प्रा. सुवर्ण शाक्यया अध्यक्षताय् सर्वसम्मतं न्हूगु कार्य समिति ल्ययेगु ज्या याःगु दु । 

Ghat
कार्यसमितिया उपाध्यक्षय् डा. अञ्जिरमानसिंह डंगोल, सचिवय् रत्नकाजी महर्जन, कोषाध्यक्षय् तीर्थनारायण महर्जन, सहसचिवय् रामकृष्ण महर्जन, सहकोषाध्यक्षय् विजयलाल डंगोल ल्यःगु दुसा सदस्यय् पूर्णबहादुर महर्जन, दिलबहादुर शाक्य, हरिनारायण महर्जन, माणिकरत्न शाक्य, धनबहादुर महर्जन, नातिकृष्ण महर्जन,
त्रिरत्न महर्जन, अष्टनारायण महर्जन व सूर्य बज्राचार्ययात ल्यःगु दु ।

थुकथं हे प्रयाग राज सिं सुवालयात प्रमुख सल्लाहकार ल्यसें छगू सल्लाहकार समिति स्वनेज्या याःगु दुसा थुगु समितिइ रामबहादुर डंगोल, रघुराम श्रेष्ठ, महेशकुमार डंगोल व कालु महर्जन च्वनादीगु दु ।

प्रा. सुवर्ण शाक्यया नायःसुइ न्ह्याःगु मुँज्याय् दिलबहादुर डंगोलं लसकुस यानादीगु खःसा वार्षिक प्रतिवेदन सचिव रत्नकाजी महर्जनं न्ह्यब्वयादीगु खः । थुकथं हे लेखापरीक्षण प्रतिवेदन कोषाध्यक्ष तीर्थनारायण महर्जन व आर्थिक ग्वाहालिया जानकारी निवर्तमान सहकोषाध्यक्ष महेशकुमार डंगोलं बियादीगु खः ।
Share on Google Plus

News: Newa News

    छ्याता
    फेसबुक छ्याता