सगरमाथा आरोहण अभियानय् न्ह्यचिलाच्वनादीम्ह नेवाः पत्रकार कल्पना महर्जनयात ‘हाइ अल्टिच्यूट सिकनेस’या हुनिं उसाँय् समस्या खनेदयेवं सुमेरु अस्पतालया सघन उपचार कक्ष (आईसियू)लय् भर्ना यानातःगु दु ।नेवाः मिडिया क्लवया छ्याञ्जे नं जुयादीम्ह महर्जन सोलुखुम्बुया खुद्वः व न्हय्सः मिटर जाःया मेरापिक आरोहण यायेगु झ्वलय् बेहोस जुइवं वय्कःयात शुक्रवाः हेलिकोप्टरं येँय् हःगु खः । कल्पनाया भाःत दिलभक्तयाकथं मेरापिक गयेगु झ्वलय् अरुण राष्ट्रिय निकुञ्जया जंगल टोल्के धइगु थासं न्याघौ वनेधुंकाः कल्पना मफुगु खः । उगु थासं शेर्पातय्सं लुकुं छिनाः टोल्केय् हयाः हेलिकोप्टरं लुक्ला व अनं गोमा एयरं येँय् हःगु खः ।
थ्व हे झ्वलय् कल्पनाया वासः यायेत न्हिं ५०–६० द्वः तका खर्च जुयाच्वंगुलिं वय्कःयात ग्वाहालि यायेगु निंतिं नेवाः मिडिया क्लवपाखें छगू ‘नेवाः पत्रकार आकस्मिक राहत कोष’ नीस्वंगु दु । उकी इच्छुकपिं न्ह्याम्हस्यां फक्व ग्वाहालि यानादीत इनाप क्लवं याःगु दु । ग्वाहालिया निंतिं क्लवया नायः नविन जोशी व दांभरिं शर्मिला सुवालयात स्वापू तयादीत क्लवं
इनाप याःगु दु ।
0 Comments:
Post a Comment