होली पर्वय् य:थे यासा सार्वजनिक मुद्दा व निदं तकया जेल सजाय

होली पर्वय् विकृति कथं ल:प्वचा कयेकिगु, लखं छ्वाकिगु नापं याइपिन्त महानगरीय प्रहरी परिसर ख्वपं ज्वना सार्वजनिक मुद्दा तैगु जुगु दु। होली पर्वया नामय् यत्थे ल:प्वचा कयेकिपिन्त ज्वना सार्वजनिक मुद्दा तयेगु प्रहरी परिषर ख्वपया प्रमुख प्रहरी उपरीक्षक जगतमान श्रेष्ठं न्ह्यथना दिल।प्रहरी प्रशासनं होली पर्वयात विकृतिमुक्त दयेकेया नितिं सादा पोसाकया सुरक्षाकर्मी तकं छ्यलेत्यंगु दु ।

बिस्केटजात्रा, सापारु, होली पर्व थें विकृति वेफुगु थीथी नख:चख:लय् प्रहरीया विशेष निगरानी जुयाच्वंगु दु । होलीया दिं तकं इच्छाविपरीत होलीया नामय् फोहोर पदार्थ वांछ्वेगु, रङ्ग तयेकेगु, जबर्जस्ती ल:प्वचा कयेकिपिन्त सार्वजनिक ऐन कथं निदं तकया जेल सजाय जुइफुगु प्रहरीं न्ह्यथंगु दु ।


न्हापा थथे विकृतिया हुनिं ल:प्वचां लाना न्ह्यायेपंया जाली तज्यागु, मिखा तज्यागु, घापा जुइगु व ज्यान तकं वने फुगु जूगुलिं थज्यागु ज्याय् दुथ्यापिंत सार्वजनिक अपराध ऐन कथं मुद्दा न्ह्याका कारबाही जुइगु प्रहरीं न्ह्यथंगु दु ।

जिल्ला प्रशासन ज्याकुथिं गनं होली पर्वया नामय् थथे मखुगु ज्या जूसा उब्लेतुं प्रहरीयात खबर यायेत इनाप यागु दु ।
Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment