हनुमानध्वाका दरबारया गद्दी बैठकया दक्षिणपाखे बसन्तपुरे आइतबार सुथ: ८ ता इ वना ३ गु मिनेतया शुभ साइतय स्वतँ जागु चीर थना होलि पर्ब सुरु जुगु दु। परम्परा कथं रंगीचंगी काप घाना चीर थने धुंका हर्ष बधाई नापं अबिर ह्वला पर्ब सुरु यागु ख:। चीर येँ या धलासिक्वया सायेमितयेसं ल्ह्वोंगु ख:।
देदसं ऋतुराज बसन्तया आगमन यात नेपमित अस्तमि निसें पुन्हि तक मैत्री व सदभाव पूर्ण थवंथवे रङ व अबिरं होलि म्हिता लासकुस याई। थुगु दँ चैत २ गते आइतबार होलि पुन्हि कुन्हु बहनी ७ ता १५ मिनेटय चीर क्वथला साला तिन्ख्यलय यंका ८ ता १५ मिनेटया साइतय दाह यासेलिं होलि पर्ब क्वचाई।
0 Comments:
Post a Comment