‘दछि दुने संघीयतानापंया लोकतान्त्रिक संविधान जारी जुई, वयां लिपा जि पदय् च्वनेमखु,' पार्टी निकट कानुन व्यवसायीया संस्था डेमोक्र्याटिक्स लयर्स एसोसिएसन (डिएलए) या गुक्वगु महाधिवेशन नेपालगन्जय् उलेज्या यासें प्रधानमन्त्री कोइरालां , ‘संविधान जारी जुइधुंका राष्ट्रपति, उपराष्ट्रपति चयनलगायतया प्रक्रिया न्ह्याइ, आ जिगु मू उद्देश्य संविधान जारी यायेगु हे ख:।'
न्हुगु संविधानया मुक्कं ८० प्रतिशत ज्या न्हापा हे क्वचागु दाबी यासें कोइरालां विवादय् दुगु शासकीय स्वरूप व प्रदेश संख्याय् नं दलत दथुइ समझदारी जुइधुंकूगु न्ह्यथना दिल ।
कोइरालाया कथं देशे न्हेगु संघीय प्रदेश व प्रधानमन्त्री कार्यकारी जुइगु प्रणालीया शासकीय स्वरूप तयेगु उच्चस्तरीय राजनीतिक समितिइ सहमति जुइधुंकूगु दु । राष्ट्रपतीय प्रणाली धासा नेपालया नितिं बांमलाइगु न्ह्यथना दिल । ‘राष्ट्रपतीय प्रणाली लागू यासा व्यक्ति निरंकुश जुईफु ,' प्रधानमन्त्री जुइधुंका न्हापांगु खुसी गृह जिल्ला वम्ह कोइरालां देसे शान्ति, स्थायित्व व विकासया नितिं संविधान मागु न्ह्यथना दिल । थ: संविधान जारी याना देयात निकास बी सक्षम जुगु दाबी यासें कोइरालां फुक्क सक्रिय जूसा संविधान जारी दछि म्वागु न्ह्यथना दिगु दु ।
कांग्रेस समर्थक देन्यंकंया कानुन व्यवसायी मुंगु ज्याझ्वलय् कांग्रेस वरिष्ठ नेता शेरबहादुर देउवा व उपसभापति रामचन्द्र पौडेलं नं नवागु ख:। निन्हुतक न्ह्याइगु अधिवेशनं डेमोक्र्याटिक लयर्स एसोसियसनया न्हुगु नेतृत्व ल्ययेज्या याई ।
0 Comments:
Post a Comment