फागुन ४ गते कुन्हु काठमाडौं पोखरा जुम्ला रुट जुया नियमित उडानया झ्वलःय पोखरां जुम्लापाखे ब्वगू नेपाल वायुसेवा निगमया सम्पर्क विहिन जूगु 9N-ABB-DHC6 Twinotter विमानया अवशेष अर्घाखाँची जिल्लाया खाँचीकोट मसिनेलेकय थौं फागुन ५ गते लूगु दु ।
उगू विमानय् स्वम्ह चालक दलया सदस्य व छम्ह मचा व छम्ह डेनमार्कया विदेशी नापं १५ म्ह यात्रु जाना १८ म्ह सिगु जूगु दु । इपि दक्वसिया सिम्हः नेपाली सैनिकया विमानं काठमाडौं हया पोष्टमार्टमया नितिं शिक्षण अस्पतालय् यंकूगु दु ।
मेखें थ्व दुर्घटनाया छानविन यायेत ६० न्हु दुने हवाइ सुरक्षाया सिफारिश नापं प्रतिवेदन पेश यायेत गैर सैनिक हवाई उडान, दुर्घटना जाँच नियम, २०२४ या नियम १४ बमोजिम नेपाल सरकारं थौं फागनु ५ गते छगु दुर्घटना जाँच आयोगया गठन यागु दु ।
जाँच आयोगय् नेपाल नागरिक उडड्यन प्राधिकरणया पूर्व महानिर्देशक भाजु त्रिरत्न मानन्धर अध्यक्ष जूया दिगु खसा सदस्यय तारा एयरया सिनियर पाइलट भाजु प्रभाकर प्रसाद घिमिरे, फिस्टेल एयरया सिनियर एरोनटिकल ईन्जिनियर भाजु मेघेन्द्र कुमार श्रेष्ठ व सदस्य सचिवय् संस्कृति, पर्यटन तथा नागरिक उडड्यन मन्त्रालयया सहसचिव भाजु बुद्धिसागर लामिछाने सदस्य सचिव जूया दिगु दु ।
संस्कृति, पर्यटन तथा नागरिक उडड्यन मन्त्रालय नं थौं जारी यागु प्रेस विज्ञप्तिइ उगू खँ न्ह्यथना तगू खसा दिवंगत आत्माया चीर शान्तिया कामना यासे शोकय लापिं परिवारपिन्त हार्दिक समवेदना व्यक्त यागू दु ।
0 Comments:
Post a Comment