त्यः छिं त्यः , बकछिं त्यः , लातापाता कुलिचां जुसें त्यः !!!थौं योमरी पुन्हि झ:झ: धायेक हनाच्वन। नेवा: समुदायया मौलिक नख:, योमरी पुन्हीकुन्हु योमरी देयेका नयेगु व नकेगु चलन दु।
योमरी जाकिचुंया देयेकी। बुंज्या याईपिन्सं वा: दुकया भकारी जायेकेगु ई जुगुलिं व अन्नया दुख मजुइमा धैगु मंतुना कथं थ्व नख: न्यायेकी। उकें थुकियात धान्यपुन्ही नं धाई। मचां निसें बुराबुह्रीतक य:गु जुगुलिं थुकिया नां य:गुमरि(योमरी) जुगु धाई।
थुकथं भकारी जायेकेधुंका जाकिचुंया ल्होंचा मरी, कुबेर, लक्ष्मीद्य, गनेद्य, व कुमरया मुर्ति देयेका भकारी तयेगु चलन दु। थौं या दिं कुन्हु छें छें वना त्यः छिं त्यः हाला योमरी फ्वनेगु चलन नं दु।
योमरी देकेगु मखुला
३ गु कप जाकिचुं थलये तया उकी दागु ल: माकथं तया: न्हायादिसं। आ: थुकीयता काप:सां प्लास्टिकसां भुना दिसं।
चाकु, हामो, नैक्या तया दायेका दिसं।
माकथं जाकिचुं कयादिसं।
पतिंचां तिया प्वा: देयेका दिसं।
मा: कथं तह्व: यानादिसं।
आ: चाकुया झोल तयादिसं।
ह्व: तोपुया दिसं।
आ: म:म:ख्वोचाय तया १०-१२ मिनेट बुकादिसं।
क्वा क्वा योमरी भपिया दिसं। योमरी पुन्हीया लसताय भिन्तुना।
(ग्वाहाली : http://sherpasisters.com/sherpanichef/page/20/ )
संकिपा
0 Comments:
Post a Comment