टुवोर्ग इमेज अवार्डया १५ क्वगु संस्करण क्वचाल

टुवोर्ग इमेज अवार्डया १५ क्वगु संस्करण क्वचागु दु । आर्मी अफिसर्स क्लवय जुगु अवार्ड लल्ह्याय ज्याझ्वलय नेपाली म्ये–संगीतया विकासय अनवरत योगदान यानावयाच्वंगु  सांगीतिक क्षेत्रया मूर्धन्य स्रष्टा वरिष्ठ गायक पन्नाकाजीयात  लाइफटाइम अचिभमेन्ट अवार्डपाखें सम्मान यागु ख: ।

इमेज ग्रुप अफ कम्पनीजया अध्यक्ष आर के मानन्धर, उपाध्यक्षद्धय इन्दीरा मानन्धर व मोहनचन्द्र सिंह पन्नाकाजीयात लाइफ टाइम अचिभमेन्ट अवार्डपाखें सम्मान यागु ख: ।

थुगु दँ ‘म त अजनबी गीत’या नितिं निशा देसारयात व ‘मुटु सिएर’या नितिं विश्व नेपालीयात सर्वोत्कृष्ट म्ये हालामीया अवार्ड लल्हागु ख: । 

उखतं, ‘लभ फरेवर’ सर्वोत्कृष्ट एल्बम, सर्वोत्कृष्ट महिला पप अवार्ड ‘झुम्के बुलाकी’या नितिं आस्था राउत, सर्वोत्कृष्ट पप अवार्ड ‘सम्झना’ या नितिं एड्रिन प्रधान, सर्वोत्कृष्ट म्युजिक भिडियो निर्देशक अवार्ड ‘तिमी बुढी पीपल’या नितिं भुषण दहाल, सर्वोत्कृष्ट म्युजिक भिडियो अवार्ड ‘बादलहरु हो’, श्रेया घोसालया स:, वसन्त चौधरीया रचना व न्हयू बज्राचार्यया संगीत दुगु ‘तिमी बाहेक को छ र मेरो’ सर्वोत्कृष्ट म्ये, उर्मिला कुटु नव कलाकार अवार्ड, उत्कृष्ट समूह गायनया नितिं बाणी ब्याण्ड, राष्ट्रिय भावना ओतप्रोत सर्वोत्कृष्ट म्ये अवार्ड ‘चिरेर हेर’या नितिं रविन शर्मा व लोचन भट्टराइ व पब्लिक च्वाइस अवार्ड ‘नजिक छौ’ या नितिं रेखा शाह व कमल क्षेत्रीयात लल्हागु दु । 

२०६९ साल असार १ गतेनिसें २०७० साल जेठ मसान्तदुने सार्वजनिक जुगु म्ये, एल्बम व म्युजिक भिडियो दथुइ २० विधाय  टुवोर्ग इमेज अवार्ड लल्हागु ख: ।
Share on Google Plus

News: Newa News

    छ्याता
    फेसबुक छ्याता