मंगलबार सुथः ७ इलंनिसें न्हिनय् ५ ईतक देया १८ द्व मतदान केन्द्रपाखें मतदान याकाच्वंगु दु ।
निर्वाचनया पूर्वसन्ध्याय् ग्वसाग्वगु पत्रकार सम्मेलनय् निर्वाचन आयोगया प्रमुख आयुक्त नीलकण्ठ उपे्रेतीं मतदानया नितिं देन्यंकं फुक्क तयारी पूवने धुकुगु प्रमुख आयुक्त उप्रेती न्ह्यंसें निर्वाचन आचारसंहिताया पूर्ण पालना याय्त दल, उम्मेदवार व सञ्चार माध्यमयात इनाप यानादिगु खः ।
२०६२÷६३ या ऐतिहासिक जनआन्दोलनया ह्यूपायात संस्थागत यायेत नेपाली जनतां थंगु संविधान थम्हं च्वयेत २०६४ साले संविधानसभाया न्हापांगु निर्वाचन जुगु खः ।
तर, निदँया नितिं गठन जुगु संविधानसभां प्यदँ तकनं संविधान देकेमफुसेंलि संविधानसभा विघटन विघटन जुगु खः ।
दछि व खुला ताहाकगु राजनीतिक अन्योलया दथुइ मंसिर ४ गते निर्वाचन यायेगु सहमति जूकथं थ्व प्रक्रिया न्ह्याःवंगु खः ।
थौंया निर्वाचनय् देन्यकं मुक्कं १ करोड २१ लख ४७ द्व ८ स ६५ म्ह मतदाता दु । थ्व निर्वाचनय् थीथी १२८ दलत ब्वतिकागु दुसा प्रत्यक्षपाखे दल व स्वतन्त्र याना ६ द्व १२८ म्ह उम्मेदवारत चुनावी मैदानय् दु ।
संविधानसभाया निक्वगु निर्वाचनया नितिं मंगलबार देन्यंकं मतदान जुयाच्वंगु दु । न्हू संविधान देकेया नितिं गठन जुइगु ६ सः व १ दुजःया संविधानसभा अन्तर्गत प्रत्यक्षपाखे २४० लागा व समानुपातिकतपाखे ३३५ सीटया नितिं मतदान जुयाच्वंगु खः ।
0 Comments:
Post a Comment